काठमाडौं । साताको अन्तिम कारोबार दिन सेयर बजार परिसुचक नेप्से २१.२९ अंकले घटेको छ । परिसुचक भने २ हजार ५४८.९६ अंकमा पुगेर बन्द भएको छ ।
आज व्यापार समूह, होटेल तथा पर्यटन र लगानी समूह बाहेक अन्य सबै राताम्मे भएका छन् । उक्त दिन ६ अर्ब ५० करोड रुपैयाँ बराबरको कारोबार भएको छ । बिहीवार व्यापार समूह १७४.८८ अंक, होटेल तथा पर्यटन समूह १५४.०७ अंक र लगानी समूह १.१९ अंकले बढेको छ ।
उक्त दिन बैंकिङ समूह १९.६७ अंक, विकास बैंक १९.९२ अंक, जलविद्युत ४४.२९ अंक, फाइनान्स २.८८ अंक, निर्जीवन बीमा ५४.१५, माइक्रोफाइनान्स ४७.५४, जीवन बीमा १६७.८ अंकले घटेको छ ।
आज कारोबार रकमको आधारमा सबैभन्दा बढी निफ्राको ९१ करोड ८ लाख रुपैयाँ बराबरको कारोबार भएको छ । दोस्रोमा उप्पर तामाकोशीको २६ करोड ९७ लाख बराबरको कारोबार भएको छ ।
त्यस्तै सिद्धार्थ इन्स्योरेन्सको २३ करोड ५१ लाख २१ हजार रुपैयाँ र नेपाल बंगलादेश बैंकको २२ करोड ९२ लाख रुपैयाँ बराबरको कारोबार भएको छ ।
यो पनि पढ्नुहोस यसै महिना साढे ४ करोड बढीको आईपीओ खुल्दै, कति दिने आवेदन ?
रुरु जलविद्युत परियोजना लिमिटेडले चैत २० गतेदेखि सर्वसाधारणमा प्राथमिक शेयर अर्थात आईपीओ निष्काशन गर्ने भएको छ।कम्पनीले प्रतिशेयर १०० अंकित मूल्यमा २० रुपैयाँ प्रिमियम थप गरी १२० रुपैयाँमा आईपीओ खोल्न लागेको जानकारी दिएको छ ।
कुल ४ लाख ७ हजार ७०६ कित्ता शेयरमध्ये २ प्रतिशत अर्थात ८ हजार १५४ कित्ता शेयर कर्मचारीहरुलाई र ५ प्रतिशत अर्थात २० हजार ३८५ कित्ता शेयर सामूहिक लगानी कोषका लागि छुट्याइएको छ। सर्वसाधारण लगानीकर्ताहरुले बाँकी ३ लाख ७९ हजार १६७ कित्ताका लागि आवेदन दिन सक्नेछन्।
सो शेयर खरिदका लागि चैत २४ गतेसम्ममा आवेदन दिनुपर्नेछ। सो अवधिसम्ममा पूर्ण आवेदन नपरेमा बैशाख ३ गतेसम्म म्याद थप गरिनेछ। सो आईपीओमा लगानीकर्ताले न्यूनतम १० कित्तादेखि अधिकतम सम्पूर्ण कित्ताका लागि आवेदन दिन सक्नेछन्।
आईपीओ निष्काशनका लागि गराएको रेटिङ्गमा कम्पनीलाई इक्रा नेपालले इक्रा एनपी आइआर त्रिपल बी रेटिङ्ग प्रदान गरेको छ। यसले समयमा नै वित्तीय दायित्व पुरा गर्ने सम्बन्धमा मध्यम रुपमा सुरक्षित रहेको संकेत गर्दछ।
कम्पनीको धितोपत्र निष्काशन तथा बिक्री प्रबन्धक एनएमबि क्यापिटल लिमिटेड रहेको छ। कम्पनीको आईपीओमा नेपाल धितोपत्र बोर्डबाट स्वीकृती प्राप्त गरेका सम्पूर्ण सि आस्बा सदस्य बैंक तथा वित्तीय संस्था र तिनका तोकिएका शाखा कार्यालयबाट आवेदन दिन सक्नेछन्।
हाल कम्पनीको चुक्ता पूँजी ३२ करोड ६१ लाख ६४ हजार ४०० रुपैयाँ रहेको छ। स्थानिय बासिन्दा तथा सर्वसाधारणमा आईपीओ बिक्री गरेपश्चात कम्पनीको चुक्ता पूँजी ४० करोड ७७ लाख ५ हजार ५०० रुपैयाँ पुग्नेछ।
फागुन ७ गतेबाट आयोजना प्रभावित क्षेत्रका लागि ४ करोड ७ लाख ७० हजार ५ सय रुपैयाँबराबरको आईपीओ निष्कासन गरेको थियो ।
स्थानीय बासिन्दा र सर्वसाधारणको लागि कुल यस परियोजनाले आठ करोड १५ लाख ४१ हजार एक सय रुपैयाँ बराबरको शेयर बिक्री गर्न लागेको हो ।
कति दिने आवेदन ?
पछिल्लो समय आईपीओ भर्नेहरुको संख्या १८ लाख भन्दा बढी पुग्ने भएको कारण आईपीओ पर्ने सम्भावना निकै कम हुन्छ । त्यसकारण १० कित्ता नै शेयर भर्न उचित हुने जानकारहरु बताउँछन् ।
