मुसिकोट नगरपालिका द्वारा कर्मचारी छनोट सम्वन्धी अन्तिम नतिजा सार्वजनिक गरेको छ।

भुमी व्यवस्था सहकारी तथा गरिबी निवारण मन्त्रालयको गरीव परिवार पहिचान तथा परिचय पत्र वितरण कार्यक्रम कार्यान्वयनका लागी २०७७/०८/३० गते १ जना सुवरीवेक्षक र ६ जना गणक गरी ७ जना कर्मचारी माग गरी आवदेन सँकलन गरेको नगरपालिकाले २०७७/०९/१७ गते उमेद्वारहरूको प्रारम्भिक सूची प्रकाशन गरेको थियो ।

प्रारम्भिक सूचीमा परेका सुपरीवेक्षकका लागि ३ जना र गणक पदका लागि १६ जना आवेदकहरूको पुष २१ गते लिएको कम्प्युटर सिप परिक्षण र अन्तर्वाताका आधारमा आज अन्तिम नतिजा प्रकाशन गरीएको हो ।

आज प्रकाशित अन्तिम नतिजा अनुसार एक जना सुपरीवेक्षक ( सहायक स्तर पाँचाै तह ) पदमा श्री समिक्षा कंडेल ( मुसिकोट नगरपालिका वडा नं. ८ ) छनोट हुनु भएको छ भने गणकहरू ( सहायक स्तर चाैँथो तह ) पदमा श्री कमल घिमिरे ( मुसिकोट नगरपालिका वडा नं. ३ ), श्री विपिन रायमाझी ( मुसिकोट नगरपालिका वडा नं. ८ ), श्री जवी ढकाल ( मुसिकोट नगरपालिका वडा नं. ९ ),श्री जमुना खराल ( मुसिकोट नगरपालिका वडा नं. ७ ), श्री भानुभक्त पाैडेल( मुसिकोट नगरपालिका वडा नं. ७ ) , श्री लक्ष्मण गिरी ( मुसिकोट नगरपालिका वडा नं. १ ) छनोट भएको नगरपालिकाका सूचना अधिकारी प्रकाश घिमिरेले सेरोफेरो नेपाल लाई जानकारी दिनु भयो ।

साथै सफल हुनु भएका उमेद्वारहरूलाई ७ दिन भित्र नियुक्ती पत्रका लागी मुसिकोट नगरपालिका नगर कार्यपालिकाको कार्यालयमा सम्पर्क गर्न नगरपालिकाले अनुरोध गरेको छ ।

यो पनि पढ्नुहोस्
बालबालिकालाई पढाउँदा तथा केहि नयाँ कुरा सिकाउँदा रमाईलो वातावरण बनाउनु पर्छ । जसले बालबालिकाले तपाईंले सिकाउनु भएको कुरालाई सजिलोसंग सम्झन सक्छ ।

तपाईंले जे कुरा आफ्ना बालबालिकालाई सिकाउनु हुन्छ सम्भव भएसम्म त्यसको भिडियो देखाएर सिकाउनुहोस् । त्यसो गर्दा बालबालिकाले सिकाएको कुरा राम्रोसँग बुझ्छन् र लामो समयसम्मका लागि सम्झिरहन्छन् । बालबालिकाको स्मरणशक्ति बलियो होस् भन्नाका लागि भिडीयो गेम, प्ले कार्ड्स तथा कुनै त्यस्ता कुराहरु समावेश गर्न सक्नु हुन्छ, जसले तपाईका बालबालिकालाई शिक्षा अथवा ज्ञान प्राप्त गर्न सहयोग पुगोस् ।

आफ्ना बालबालिकालाई केहि समयको लागि शिक्षक बन्न दिनुहोस् र आफुलाई ठुला साना सबै कुरा सिकाउ भन्नुहोस् । उनीहरुलाई बिज्ञानका कुराहरु भन्न लगाउनुहोस् । आफुले थाहा नपाए झै गाह्रो कुराहरु भन्न लगाउनुहोस् । त्यसरी तपाईका बालबालिकाले आफुले जानेका कुराहरु तपाईंलाई सिकाउँदा ठुलो स्वरमा भन्न लगाउनुहोस् । त्यसो गर्दा बालबालिकाले आवश्यक जानकारीहरु ध्यानमा राख्नुको साथै लामो समयसम्म यी कुराहरु सम्झिरहन्छन् ।

आफ्ना बालबालिकालाई उनीहरुको हरेक दिनको बारेमा सोध्नुहोस् । आज के के भयो भन्ने प्रश्न गर्न नबिर्सनुहोस् र उनीहरुले भनेका सबै कुरा ध्यान दिएर सुन्नुहोस् । त्यस्तै आफ्ना बालबालिकालाई घर भित्र होस् अथवा बाहिर सजिला प्रश्नहरु गरिराख्नुहोस् ।

घरमा भएका सामानहरुको नाम, काम र रंगहंरुका साथै घर बाहिर वरपरका सबै कुराहरुको बारेमा सोध्नुहोस् । उनीहरुलाई थाहा नभएका कुरालाई कारण खुलाएर बताउनुहोस् । जसका कारण बालबालिकाले त्यो कुराको बारेमा राम्रोसंग बुझ्छन् र लामो समयसम्म सम्झिरहन्छन् ।

कुनै महत्वपुर्ण कुरालाई भिन्दा–भिन्दै रगंले हाइलाइट गर्नाले अथवा अन्डरलाईन गर्नाले पनि बालबालिकाले महत्वपुर्ण जानकारीहरु लामो समय सम्म सम्झिरहन्छन् । रंगको प्रयोग गर्दा उनीहरुको ध्यान आकषर््ँित गर्ने किसिमको रंग हुनु पर्छ । जस्तै ट्राफिक लाइटमा भएका रगंहरुले आफ्ना महत्वपुर्ण जानकारीमा अन्डरलाइन गर्दा ती कुराहरु राम्रोसंग सम्झिन सहयोग हुन्छ ।

जसरी हामी खानेकुरालाई जसरी भाग लगाएर बाँड्छौं, त्यसैगरी बालबालिकाहरुलाई नयाँ नयाँ कुराहरुको जानकारी गराउने क्रममा ती कुराहरुलाई पनि स–साना भागमा विभाजन गरेर उनीहरुलाई बुझाउन सकियो भने उनीहरुलाई सम्झन सजिलो हुन्छ । आफ्ना बालबालिकालाई कथा अथवा कविता जस्ता साहित्यिक खुराकहरु पनि स–साना भागमा बाँढेर पढ्न लगाउनु पर्छ । त्यसो गर्दा तपार्इंका बालबालिकाले हरेक कुरा राम्रो र लामो समयसम्म सम्झिरहन्छन् ।