• गुल्मी । गुल्मीको मुसिकोट नगरपालिका वडा नम्बर सात काफल्टोलाका जनक काफ्लेले आफ्नो जन्मदिनको अबसरमा श्रीराम मन्दिरलाई आर्थिक सहयोग गर्नुभएको छ ।

गुनाखर काफ्ले र भागिरथी काफ्लेका छोरा जनक काफ्लेले बुधबार परेको आफ्नो शुभ जन्मदिनको अबसर पारि मुसिकोट नगरपालिका वडा नम्बर ७ काफलटोलामा रहेको श्रीराम मन्दिरलाई नगद तिन हजार रुपैया सहयोग गर्नुभएको हो ।

मुसिकोट नगरपालिका वडा नम्बर ७ काफल्टोलामा रहेको श्री भगवती प्राबिका शिक्षक समेत रहनु भएका युवा काफ्लेले आफु २६ औ बसन्त पार गरि २७ औ बसन्तमा प्रबेस गरेको शु-अबसरमा आफ्नो गाउँमा रहेको श्रीराम मन्दिरमा एक महिनाको पूजा संचालन खर्च बराबरको रकम सहयोग गरेको काफ्लेले बताउनुभएको छ ।

पछिल्लो समय फजुल खर्च गरि जन्मदिन मनाउने चलन भएपनि शिक्षक काफ्लेले भने आफ्नो जन्मदिनको अबरमा धार्मिक काममा खर्च गर्नुभएको हो ।

मन्दिरको पूजा ब्यबस्थापनका लागि प्राप्त आर्थिक सहयोग ग्रहण गर्दै पूजा ब्यबस्थापन समितिका अध्यक्ष नारायण काफ्लेले जन्मदिन परेका जनक काफ्लेलाई  सफलताको शुभकामाना ब्यक्त गर्दे उहाँको सम्पूर्ण परिवारको शु-स्वस्थ्य, दिर्घायु र उत्तर उत्तर प्रगतीको कामाना गर्दै सम्पूर्ण श्रीराम मन्दिर परिवारको तर्फबाट धन्यवाद समेत ब्यक्त गर्नुभयो ।