बागलुङ : बागलुङको इलाका प्रहरी कार्यालय भिमगिठेका इन्चार्ज बरिष्ठ प्रहरी नायव निरीक्षक (वरिष्ठ सई) उज्वल पौडेल सोमबार राती मृत्त अबस्थामा फेला परेका छन् ।

गयराति बाग्लुङ जिल्लाको बडिगाड गाउँपालिका वडा नम्बर–६ स्थित आशा होटल एण्ड खाजा घरको तल्लो तलामा पौडेल मृत्त फेला परेको जिल्ला प्रहरी कार्यालय बागलुङका सूचना अधिकारी (प्रहरी नायव उपरीक्षक) मदन केसीले जानकारी दिएका छन् ।

होटल सञ्चालकले पौडेल होटलमा मृत फेला परेको भन्दै राती १२ बजे वडा अध्यक्षलाई जानकारी गराएका थिए । वडा अध्यक्षले प्रहरीलाई जानकारी गराएपछि राती २ बजे प्रहरी चौकी बुर्तिवाङको टोलि घटनास्थल पुगेको थियो ।

अहिले घटनाबारे घटना स्थलमा जिल्ला प्रहरी कार्यालय बागलुङका प्रहरी निरिक्षक राजाराम खड्काको टोलि पुगेर अनुसन्धान सुरु गरेको छ ।