काठमाडौं– रिक्त एक राष्ट्रिय सभा सदस्य पदको उपनिर्वाचन आगामी माघ २५ गते हुने भएको छ । बिहीबार बसेको मन्त्रिपरिषद बैठकले माघ २५ गते उपनिर्वाचन गर्ने निर्णय गरेको हो ।
लुम्विनी प्रदेशबाट राष्ट्रिय सभा सदस्य पदमा निर्वाचित खिमलाल भट्टराईले मंसिर ४ को निर्वाचनअघि राजिनामा दिएपछि एक पद रिक्त भएको थियो । सो पदमा उपनिर्वाचन गर्न मन्त्रिपरिषदले बिहीबार निर्णय गरेको हो ।
यसअघि निर्वाचन आयोगले सोही मितिमा उपनिर्वाचन गर्न सरकारलाई सिफारिस गरेको थियो भने प्रधानमन्त्री प्रचण्डले राष्ट्रियसभा अध्यक्ष गणेश तिमल्सिनासँग पनि परामर्श गरेका थिए ।
उप निर्वाचनमा सत्ता गठबन्धनका दलबाट साझा उम्मेदवार हुने सम्भावना छ। प्रमुख प्रतिपक्षी नेपाली कांग्रेस भने एक प्रतिस्पर्धामा उत्रन सक्नेछ। – मिडिया डबली
प्रतिक्रिया
सम्बन्धित खवर
