गुल्मी । दाङ २ मा नेकपा माओवादी केन्द्रकी उम्मेदवार रेखा शर्माले झण्डै दुई हजार मत अन्तरले अग्रता लिएकी छन् ।
२३ हजार ५३१ मत गणना हुँदा रेखाले ९ हजार ५९५ मत पाएकी छन् । उनलाई पछ्याइरहेका नेकपा एमालेका उम्मेदवार शंकर पोख्रेलले ७ हजार ७५३ मत पाएका छन् ।
रेखा र शंकरबीचको मत अन्तर १८४२ छ । रेखाले शंकर पोख्रेलसँग सुरुदेखि नै अग्रता बनाइरहेकी छन् । पछिल्लो समय उनको मतअन्तर पनि थोरै संख्याले बढ्दै गएको छ ।
यो पनि पढ्नुहोस् – काठमाडौं । चितवन २ मा रवि लामिछानेले एकाएक अग्रता लिएका छन् । केहिबेर अगाडीसम्म तेश्रो स्थानमा रहेका लामिछाने अहिले पहिलो स्थानमा उक्लिएका हुन् ।
इच्छाकामना गाँउपालिकाको मत गणनाको क्रममा लामिछाने तेश्रो स्थानमा रहेका थिए भने एमालेका कृष्णभक्त पोखरेल पहिलो स्थानमा रहेका थिए । इच्छाकामना गाँउपालिका पछि कालिका नगरपालिकाको मत गणना सुरु भएपछि लामिछानेले एकाएक अग्रता लिएका हुन ।
अहिले लामिछाने ४ हजार ४ सय १४ मतका साथ पहिलो स्थानमा रहेका छन् भने यसअघि पहिलो स्थानमा रहेका एमालेका पोखरेल अहिले ३ हजार ८ सय ७८ मतका साथ दोश्रो स्थानमा छन् ।
यस्तै यसअघि दोश्रो स्थानमा रहेका गठबन्धनका उमेद्वार उमेश श्रेष्ठ ३ हजार ५ सय ६० को मतका साथ तेश्रो स्थानमा छन् । अहिले कालिका नगरपालिकाको मत गणना जारी छ । यसपछि भरतपुर क्षेत्रको मतगणना लामिछानेको पक्षमा मत बढी आउने आकंलन छ ।