काठमाडौं । चितवन-१ मा राष्ट्रिय स्वतन्त्र पार्टीका हरि ढकालले अग्रता कायम राखेका छन् । दोस्रो स्थानमा नेकपा एमालेका सुरेन्द्र पाण्डे आएका छन् ।
मंगलबार दिउँसोसम्म १९ हजार ८१९ मत गणना हुँदा ढकालले ६ हजार ३६७ मत ल्याउँदा एमालेका पाण्डेले ६ हजार ४८ मत पाएका छन् । त्यस्तै नेपाली कांग्रेसका विश्व पौडेलले ५ हजार ५९१ र राप्रपाका माधव भट्टराईले ५३१ मत पाएका छन् ।
यो पनि पढ्नुहोस् – काठमाडौं । चितवन २ मा रवि लामिछानेले एकाएक अग्रता लिएका छन् । केहिबेर अगाडीसम्म तेश्रो स्थानमा रहेका लामिछाने अहिले पहिलो स्थानमा उक्लिएका हुन् ।
इच्छाकामना गाँउपालिकाको मत गणनाको क्रममा लामिछाने तेश्रो स्थानमा रहेका थिए भने एमालेका कृष्णभक्त पोखरेल पहिलो स्थानमा रहेका थिए । इच्छाकामना गाँउपालिका पछि कालिका नगरपालिकाको मत गणना सुरु भएपछि लामिछानेले एकाएक अग्रता लिएका हुन ।
अहिले लामिछाने ४ हजार ४ सय १४ मतका साथ पहिलो स्थानमा रहेका छन् भने यसअघि पहिलो स्थानमा रहेका एमालेका पोखरेल अहिले ३ हजार ८ सय ७८ मतका साथ दोश्रो स्थानमा छन् ।
यस्तै यसअघि दोश्रो स्थानमा रहेका गठबन्धनका उमेद्वार उमेश श्रेष्ठ ३ हजार ५ सय ६० को मतका साथ तेश्रो स्थानमा छन् । अहिले कालिका नगरपालिकाको मत गणना जारी छ । यसपछि भरतपुर क्षेत्रको मतगणना लामिछानेको पक्षमा मत बढी आउने आकंलन छ ।
प्रतिक्रिया
सम्बन्धित खवर
