सन्तोष यादव – जनकपुरधाम । जनकपुरधाम उपमहानगरको मेयरमा बागी उठेर निर्वाचित भएका मनोज साहको विजयी जुलुसमा कांग्रेसका सयौं नेता-कार्यकर्ता सहभागी भएका छन् ।
नवनिर्वाचित मेयर साह र सत्ता गठबन्धनबाट उम्मेदवार बनेर उपमेयरमा निर्वाचित कांग्रेसकी किशोरी साहको संयुक्त जुलुस कांग्रेसमय बनेको हो । विजयी जुलुस निकालेका थिए । उक्त जुलुसमा कांग्रेस मधेस प्रदेश संसदीय दलका नेता तथा भौतिक पूर्वाधार विकास मन्त्री रामसरोज यादव, कांग्रेसका जिल्ला सभापति योगेन्द्र पजियार र कांग्रेसका सयौं कार्यकर्ता सहभागी छन् ।
सत्ता गठबन्धनले जनकपुरधामका मेयरमा जसपाका लालकिशोर साहलाई चुनावी मैदानमा उतारेको थियो । निवर्तमान मेयरसमेत रहेका उनी पराजित बने ।
भागबण्डाप्रति असन्तुष्टि जनाउँदै मनोज साहले कांग्रेस नगर सभापतिबाट राजीनामा दिएर स्वतन्त्र लडेका थिए । उम्मेदवारी फिर्ता लिन कांग्रेस नेतृत्वले व्यापक दबाब दिएका थिए ।
विजयोत्सवमा कांग्रेसकै नेता कार्यकर्ताको भीड उर्लिएपछि धेरैले टिप्पणी र आश्चर्य मानेका छन् ।- नेपाल प्रेसबाट
प्रतिक्रिया
सम्बन्धित खवर
