पर्वत : पर्वतमा सवारी दुर्घटना परी १ जनाको ज्यान गएको छ । दुर्घटनामा १३ जना घाईते भएका छन् ।
बागलुङबाट पोखराका लागि छुटेको ग १ ज ७२५६ नम्बरको टाटा सुमो र पोखराबाट कुश्माका लागि छुटेको ग १ ख ५२१८ नम्बरको बससँग ठोकिएर दुर्घटना भएको पर्वत प्रहरीले जानकारी दिएको छ ।
कुश्मा नगरपालिका–८ चुवा नजिकै भएको दुर्घटनामा बागलुङको काठेखोला गाउँपालिका वडा नं ४ तंग्रामका ३१ बर्षिय लालबहादुर थापाको मृत्यु भएको प्रहरीको भनाई छ । दुर्घटनामा घाईते थापालाई उपचारका लागि पर्वत अस्पताल ल्याउँदै गर्दा मृत्यु भएको हो ।
प्रत्यक्षदर्शीका अनुसार जिप सडकबाट हुत्तिएर नालीमा पुगेको थियो । घाइतेहरूलाई जिपभित्रै च्यापिएको अवस्थामा नेपाल प्रहरी, सशस्त्र प्रहरी र अन्य यात्रुहरुले उद्धार गरेका थिए ।
घाइतेहरुलाई उपचारको लागि पर्वत अस्पतालमा लगिएको छ । केहीको अवस्था गम्भीर रहेकोले पोखरा पठाउने तयारी भएको पर्वत अस्पतालले जनाएको छ ।
प्रतिक्रिया
सम्बन्धित खवर
