काठमान्डौ चैत्र,२३

अस्ति (सोमबार) मात्रै नेकपा (एमाले)मा प्रवेश गरेका धादिङको बेनिघाट रोराङ गाउँपालिकाका अध्यक्ष पित्तबहादुर डल्लाकोटी (हरि) आज (मंगलबार) फेरि नेकपा (माओवादी केन्द्र)मा नै फर्किएका छन् ।

उनलाई सोमबार मात्रै एमाले अध्यक्ष केपी शर्मा ओलीले आफ्नै निवास बालकोटमा बोलाएर पार्टी प्रवेश गराएका थिए । तर डल्लाकोटी एकाएक आज विज्ञप्ती जारी गर्दै आफू पुनः माओवादीमै फर्किएका बताएका छन् । हिजो एमाले प्रवेश गरेपछि डल्लाकोटीको देशभर चर्चा भएको थियो ।

उनले आज जारी गरेको विज्ञप्तिमा भनेका छन्, ‘म भित्र क्षणिक आक्रोश र आवेगमा आई राजनीतिक रुपमा गम्भीर गल्ती कमजोरी हुन गई समग्र पार्टी, बेनिघाट रोराङ र धादिङको पार्टी पंक्तिमा पर्न गएको क्षतिप्रति गम्भीर आत्माआलोचना गर्न चाहन्छु’ उनले भनेका छन् ।

सम्पत्ति प्रचण्डलाई बुझाएँ, छोरो प्रहरी बन्यो : हेमन्तप्रकाश ओली ‘पार्टीमा हामी बहुमतमै छौं, निर्णयविरुद्ध जानेमाथि कारबाही गर्नुपर्ने हुन्छ’

नेत्रविक्रम चन्द विप्लव नेतृत्वको नेकपाका सचिवालय सदस्य हेमन्तप्रकाश ओली ‘सुदर्शन’का अनुसार नेकपाको गत चैत ४ गतेबाट १२ गतेसम्म कपिलबस्तुमा बसेको केन्द्रीय कमिटी बैठकमा तीनवटा एजेण्डामा छलफल भयो । त्यस क्रममा महासचिव विप्लवले चुनावलाई उपयोग गरेर जानुपर्ने भनेर पेश गरेको प्रतिवेदन बहुमतबाट अस्वीकृत नै भयो ।

महासचिव विप्लवले ल्याएको प्रस्तावको विपरीत चुनाव बहिस्कार गर्नुपर्छ भन्ने मध्येका एक नेता थिए ओली । बैठकमा महासचिव विप्लवको लाइन फेल भएर ओलीको लाइन पारित भएको छ ।

कपिलवस्तुमा बसेको ११ दिन लामो बैठकमा सबैभन्दा बढी बहस चुनाव उपयोग गर्ने कि बहिस्कार गर्ने भन्नेकै केन्द्रित रहेको ओलीले रातोपाटीलाई बताए । उनले भने, ‘एकातिर चुनावबाट जाँदा भूमरीमा फसिने भयो, अर्कोतिर बहिस्कारमा जाँदा चट्टानमा ठोकिने भयो । चट्टान र भूमरीलाई छलेर जाने बीचको बाटो रोजेका छौँ ।’

हेमन्तप्रकाश जनयुद्धकालका सहिद परिवारससमेत हुन् । उनले आफ्नो व्यक्तिगत सम्पत्ति यसअघि नै प्रचण्डलाई बुझाइसकेको र अहिले आफूसँग केही पनि सम्पत्ति नभएको बताए । उनले भने, ‘मैले बालाजु बैठकपछि मेरो सम्पति प्रचण्डलाई बुझाएको छु । सर्वहाराकरण गर्ने गरी प्रस्ताव ल्याएँ । साँच्चै होला भनेर मैले बुझाएँ । अरुले बुझाएनन् । अहिले मेरो नाममा केही पनि छैन ।’