कठमाडौं । सत्तारूढ दल नेपाली कांग्रेसले वैशाख ३० गते हुने स्थानीय निर्वाचनका लागि प्रचापरसार तीव्र बनाउने निर्णय गरेको छ ।

पार्टी प्रवक्ता प्रकाशरण महतको नेतृत्वमा रहेको केन्द्रीय निर्वाचन प्रचार-प्रसार समितिको शुक्रबार बसेको बैठकले निर्वाचन प्रचार प्रसारका लागि आवश्यक प्रचार सामग्री निमार्ण गर्ने र विभिन्न सञ्चार माध्यमहरूबाट पार्टीको सन्देश सम्प्रेषण गर्ने निर्णय गरेको छ ।

बैठकले केन्द्रदेखि तल्लो तहसम्म मिडिया सेन्टर निर्माण गर्ने निर्णय पनि गरेको छ । साथै पार्टीले स्थानीय घोषणा पत्र तयार गर्ने निर्णय पनि भएको छ ।

बैठकले विदेशमा रहेका नेपाली जनतालाई मतदानको बेलामा स्वदेशमाआई नेपाली कांग्रेसलाई मतदान गर्न आह्वान गर्ने निर्णय गरेको छ ।