मुसिकोट गुल्मी,,गुल्मी जिल्लाको मुसिकोट नगरपालिकाले अनलाइन प्रणालीबाट राजस्व सङ्कलन शुरु गरेको छ । यो सेवासँगै नगरपालिकाको मुख्य कार्यालय र मातहतका ९ वटै वडा कार्यालयहरुले अनलाइन सफ्टवयरको माध्यमकबाट राजश्व संकलन सुरु गरेका छन ।
त्यसैगरी आगामी आर्थिक वर्ष देखी भने सेवाग्राहीले आफ्नै घरमा वसीवसी राजश्व भुक्तानी गर्न सक्ने व्यवस्था मिलाउन लागेको नगरपालिकाले जनाएको छ ।
नगरपालिकाले मालपोत कर, सम्पत्ति कर, घर बहाल कर, व्यवसाय कर लगायतका राजश्वलाई जुनसुकै ठाउँबाट पनि अनलाइनबाटै तिर्न सक्ने व्यवस्था मिलाउन लागेको हो ।
यो व्यवस्था लागु भए पछी आउने वर्ष देखी स्थानीय तहलाई बुझाउनु पर्ने राजस्व तिर्न कार्यालय धाउनु नपर्ने भएको छ । राजस्व तिर्नका लागि लाइन लाग्नुपर्ने पद्धतिको अन्त्य गर्न नगरपालिकाले अनलाइनबाटै राजश्व तिर्न मिल्ने व्यवस्था मिलाउन लागेको नगर प्रमुख सोमनाथ सापकोटाले बताउनुभयो ।
कर तिर्न लाइन बस्नै पर्ने परम्परागत शैलीलाई प्रविधिले प्रतिस्थापन गर्दा करदाताहरू सहज हुने उहाँको भनाइ छ । अनलाइन माध्यमबाट कर निर्धारण र सङ्कलन गर्न सकिने भएपछि दैनिक कति राजस्व सङ्कलन भयो भन्ने थाहा पाउन समेत सहज हुनेछ ।
यसबाट कुन क्षेत्रमा के कति कर उठाउन बाँकी छ भन्ने तथ्याङ्क पनि आउने र यसले योजना निर्माणलाई पनि सहज बनाउने नगरपालिकाको विश्वास छ ।
करदाताले कर तिर्न ई–पोर्टलमा विवरण भरेर दर्ता हुनुपर्छ । त्यसपछि ई–सेवा र खल्ती लगायतका डिजिटल भुक्तानी प्रणाली प्रयोग गरेर मोबाइलबाटै कर भुक्तानी गर्न सकिनेछ । यो प्रणालीबाट राजस्व अनलाइनबाटै भुक्तानी गर्न र आफूले तिरेको शुल्कको रसिद अनलाइनबाटै प्राप्त गर्न सकिनेछ ।
करदाताले कर तिर्न ई–पोर्टलमा विवरण भरेर दर्ता हुनुपर्छ । त्यसपछि ई–सेवा र खल्ती लगायतका डिजिटल भुक्तानी प्रणाली प्रयोग गरेर मोबाइलबाटै कर भुक्तानी गर्न सकिनेछ । यो प्रणालीबाट राजस्व अनलाइनबाटै भुक्तानी गर्न र आफूले तिरेको शुल्कको रसिद अनलाइनबाटै प्राप्त गर्न सकिनेछ ।
यो प्रणाली सुरु गर्न करदाता पहिलो एक पटक वडा कार्यालयमा गएर विवरणहरू अद्यावधिक गराउनुपर्छ । त्यसपछि आगामी वर्ष देखी घरमै बसेर सेवा लिन सकिने नगरपालिकाका राजश्व शाखा प्रमुख गोविन्द कंडेल वताउनु हुन्छ ।
सहभागितामूलक र पारदर्शी राजस्व प्रणाली विकास गर्दै जान शुरु गरिएको प्रणालीले स्मार्ट नगरको एउटा सूचक पूरा गर्ने प्रमुख प्रशासकीय अधिकृत खिमानन्द भुसालको भनाइ छ ।
उहाँले नगरपालिका करदाताप्रति उत्तरदायी छ भन्ने कुरा अनुभूति गराउने गरी अनलाइन राजश्व सुरु गरिएको र यसले सुशासनमा टेवा पुर्याउने विश्वास व्यक्त गर्नुभयो । अनलाइन भुक्तानीबाट करदाताको डाटाबेस तयार हुने र आउँदा वर्षहरूका लागि राजश्व अनुमानलाई वास्तविक बनाउने उहाँको भनाइ छ ।
करदाताको विवरण ई–पोर्टलमा दर्ता गरिसकेपछि आन्तरिक सङ्केत र करदाता कोड प्राप्त हुन्छ । यहीँ कोडका आधारमा पछिल्लो पटक मोबाइलबाटै कर तथा दस्तुर तिर्न मिल्छ ।
यस प्रणालीमा २ वटा पोर्टल हुने छन् । एउटा पब्लिक र अर्को कोर । पब्लिक पोर्टल करदाताका लागि हो भने कोर पोर्टल कार्यालयमा बस्ने अधिकारीका लागि हो । पब्लिक पोर्टलमा करदाताले आफू सम्बन्धित घर–जग्गा, सम्पत्ति, व्यवसायजस्ता व्यक्तिगत विवरण हुन्छन् ।
यस पोर्टलबाट नगरले उठाउने सम्पूर्ण कर र दस्तुरको दर थाहा पाउन सकिन्छ । पब्लिक पोर्टलका फिचर सेवाग्राहीले प्रयोग गर्नका लागि हुन् । यसमा करदाताले नगरलाई बुझाउनु पर्ने करको प्रारम्भिक मुल्याङ्कन करदाता आफैँले घरमै बसेर गर्न सक्ने सुविधा छ ।
करदातासँग सम्बन्धित र सोधिएका, माग गरिएका विवरण भरेपछि प्रणाली आफैँले करको प्रारम्भिक मूल्याङ्कन गरेर तिर्नुपर्ने राजस्वको अङ्क देखाउँछ । यसबाट नगरलाई कति रकम तिर्नु पर्ने हो ? करदातालाई थाहा हुने सूचना प्रविधि अधिकृत विक्रम रायमाझीले जानकारी दिनुभयो ।
करदाताको विवरण पेस भएपछि कर मूल्याङ्कन अधिकृतले प्रचलित कानुन र दररेटका आधारमा स्वचालित प्रणालीबाट तयार भएको कर विवरणलाई रुजु र स्वीकृत गर्नेछन् ।
त्यसपछि करदाताले आफूसँग भएका विद्युतीय भुक्तानी प्रणालीबाट भुक्तानी गर्न सक्नेछन् । यसरी भुक्तानी गरिएको रकम सम्बन्धी सूचना एसएमएसबाट पनि प्राप्त हुने नगरपालिकाका प्रशासन शाखा प्रमुख प्रकाश घिमिरे वताउनु हुन्छ ।
यस आर्थिक वर्ष देखी नगरपालिकाले अनलाइन राजश्व प्रणाली सुरु गरेको हो । यो पहिलो वर्ष भएको र सम्पुर्ण नगरवासीको सम्पती र अन्य विवरण सफ्टवयरमा राख्नु पर्ने भएकोले यस वर्ष भने सवै सेवाग्राहीहरुलार्इ सम्वन्धित वडा कार्यालयमा आएर समयमा नै राजश्व रकम अनलाइन प्रणाली मार्फत भुक्तानी गर्न नगरपालिकाले अनुरोध गरेको छ ।
आगामी वर्ष देखी आफ्नै मोवाइलबाट राजश्व रकम दाखिला गर्न सकिने व्यवस्था नगरपालिकाले मिलाउने नगरपालिकाले जनाएको छ ।
सोर्स: सेरोफेरो नेपाल
प्रतिक्रिया
सम्बन्धित खवर
