नेपाली कांग्रेस सोलुखुम्बुका नेता एबम ब्यबसायी प्रकाश सिंह कार्की नेपाल उद्योग बाणिज्य महासंघको कार्यकारिणी सदस्यमा ५७ मत ल्याएर निर्बाचित भएका छन । काठमाण्डौमा सम्पन्न महासंघको ५४औँ अधिवेशनबाट कार्की विजयी भएका हुन ।
कार्किले महासंघको अघिल्लो निर्वाचनबाट पनि कार्यकारिणी सदस्यमा निर्वाचित भएर महासंघले दिएका जिम्मेवारी सफलतापूर्वक निर्बाह गरिसकेका छन भने महासंघको कार्यकारिणी सदस्यको रुपमा रहदा कार्किले महासंघ अन्तर्गतको ब्यापार प्रबर्धन समितिको सभापती र महासंघ अन्तर्गतकै पारबहन समितिको उपसभापतिको जिम्मेवारी कुशलतापूर्वक निर्बाह गरिसकेका छन । तेस्तै कार्की हाल बाणिज्य मन्त्रालय अन्तर्गतको नेपाल इन्टरमोडेल यातायात बिकाश समितिको सञ्चालक समितिको सदस्य समेत रहेका छन ।
यसपटक पनि निर्बाचित भएसगै कार्किलाई नेपाल उद्योग बाणिज्य महासंघको आगामी महाधिबेशनमा पदाधिकारिमा निर्बाचन लड्ने बाटो खुलेको छ ।महासंघकोबिधानमा पदाधिकारिमा चुनाब लड्न दुइ कार्यकाल सदस्य बनिसकेको हुनुपर्ने ब्यबस्था रहेको छ ।
आगामी दिनमा आयात निर्यातको पारबहन लागत घटाउने र देशको आयात निर्यातलाई सहज बनाउन आफुले भूमिका खेल्ने र ब्यबसायिका समस्या समाधान गर्न आफु लागिपर्ने कार्किले बताए ।उनले आफुलाई निर्बाचित गराउने सबै मतदाता,सहयोगि, शुभचिन्तक र महासंघको ५४औँ अधिवेशन सफल पार्न सहयोग गर्ने सबैलाई धन्यबाद दिए ।