काठमाडौं । वैदेशिक रोजगारीमा मलेसियामा रहेका बैतडीका एकजनाको गएराति मृत्यु भएको छ ।

मृत्यु हुनेमा जिल्लाको डिलाशैनी गाउँपालिका– ५ बिनाबस्तीका ४२ वर्षीय धनन्जय जोशी रहेका छन् । रक्त क्यान्सरबाट ग्रसित जोशीको गएराति उपचारको क्रममा अस्पतालमै मृत्यु भएको मृतकका आफन्त हरि जोशीले जानकारी दिए ।

जोशीलाई दुई दिन अघि मात्रै रक्त क्यान्सर रहेको पुष्टि भएको बताइएको छ । मृतक जोशी विगत पाँच वर्षदेखि मलेसियामा काम गर्दै आएका थिए ।

जोशीका श्रीमती, दुई छोरी र एक छोरा रहेका छन् ।- अनलाइनखबर-यो पनि पढ्नुहोस् गुल्मी
गएराति देखि परेकाे अविरल वर्षा पछि अाएकाे बाढिले गुल्मीमा जिप बगाएको छ ।

जिल्लाको सत्यवति गाउँपलिकाको खैरेनी रुद्रबेणी सडकखण्डमा जिप बगाएकाे हो ।

माथिबाट आएको डहरे खोलाले उक्त जिप बगाएको हाे । बुटवल देखी भुवाचिदीको लागि छुटेको लु १ ज ३४३२ नम्बर बालेरो जिप खोलाले बगाएको इलाका प्रहरी कार्यालय जोहाङ्ग गुल्मीले जनाएको छ।

जिपमा चालक सहित ९ जना यात्रुहरु रहेका थिए । जिप खोला नजिक दलदलमा फसेको र यात्रु र चालक झरीसकेपछि माथिबाट आएको लेदो सहिको पानीले उक्त जिप बगाएको प्रहरीकाे भनाई छ ।

जिपमा सवार सबै यात्रु सुरक्षीत रहेपनि उनिहरुको सबै समानहरु गाडि संगै बगेकाे छ ।
यस अघिको बर्खाको समयमा पनि माल बाहक ट्रक बगाएको थियो ।