काठमाडौँ नेपाल कम्युनिस्ट पार्टीका वरिष्ठ नेता झलनाथ खनालले जनआन्दोलनको आगो दन्कने बताएका छन् ।
आज भृकुटीमण्डपमा आयोजित नेकपाको प्रचण्ड नेपाल समूहको विरोध सभामा बोल्दै उनले प्रतिक्रान्तिविरुद्ध अर्को क्रान्ति गर्ने बताए ।
‘अब जनआन्दोलनको आगो दन्कनेछ,’खनालले भने,‘यो दुईवटा गुटको आन्दोलन होइन, प्रतिक्रान्तिविरुद्धको अर्को क्रान्ति हो ।’
खनालले ओली राजनीतिक र सैद्धान्तिक रुपमा पराजित भइसकेको तर्क गरे ।
ओली राजनीतिक रुपले पराजित भइसकेकाले पशुपतिनाथको शरणमा पुगेको बताए । उनले भने,ओली राजनीतिक रुपले पराजित भइसके ।
पशुपतिनाथमा गएर संकल्प पूजा गर्ने अवस्थामा पुगिसके ।’ ओलीले विज्ञान र माक्र्सवादमा विश्वास गर्न छाडेको बताए । अब पशुपतिनाथमा मात्र विश्वास गरिरहेको बताए ।
निर्वाचन आयोगलाई नेकपाको आधिकारिताबारे छिटो छिनोफानो गर्न आग्रह गरे । ढिलो गर्दा अप्ठ्यारो आउनसक्ने उनको भनाई थियो ।
श्रोत न्यू सञ्चार डटकम
प्रतिक्रिया
सम्बन्धित खवर
