काठमाडौँ । नेकपा बहुमत पक्षका अध्यक्ष पुष्पकमल दाहाल प्रचण्डले सुकुम्बासीलाई जग्गा आफूहरुले दिने बताउनुभएको छ ।
‘केपी ओलीबाट माखो पनि मर्दैन’ उहाँले भन्नुभयो, ‘सुकुम्बासीलाई हामीले दिन्छौँ जग्गा ।’गलत मान्छेको हातमा नेतृत्व गयो भने देश वर्वाद हुने भन्दै उहाँले अब त्यसप्रकारको गल्ती पनि हुन नदिने बताउनुभयो ।
केपीबाट सरेको अलिअलि धुलो मैलो पनि सफा गर्ने भन्दै उहाँले नेपाली जनतालाई हेप्ने गल्ती कसैले नगर्न चेतावनी दिनुभयो ।
यो देशमा परिवर्तन ल्याउने व्यक्ति ओली नभएको उहाँको भनाई छ ।
‘अढाई सय बर्ष पहिले सामन्ती शासन फाल्ने केपी ओली होइन, माधव नेपाल झलनाथ, म लगायतको टिम हो, खेलाँची कसैले नठाने हुन्छ ।’ उहाँले भन्नुभयो ।
संवैधानिक निकायमा पुगेका व्यक्तिहरुले खेलाँची गरेको खण्डमा जनताले दुःख पाउने बताउनुभयो ।
अर्काे पटक १० लाख जनता लिएर बालुवाटार र सिंहदरबार घेर्न आउन नपरोस उहाँले भन्नुभयो, ‘यो लडाई हामीले जितेरौँ छोड्छौँ, केपी ओलीले भनेको नौटंकी चुनाव हुनेवाला छैन, भ्रममा नपरौँ ।’
नेपाली काँग्रेस र जसपालाई पनि भ्रममा नपर्न आग्रह गर्दै उहाँले यो चुनाव हुनेवाला नभएको बताउनुभयो ।
श्रोत ज्योतिन्यूज डटकम
प्रतिक्रिया
सम्बन्धित खवर
