काठमाडौँ कांग्रेस महामन्त्री डा .शशाङ्क कोइरालाले बर्तमान सरकारले देशलाई दुर्घटनातिर धकेल्न खोजेको बताएका छन । राष्ट्रिय एकता तथा मेलमिलापको दिवसका अवसरमा कपिलबस्तु कांग्रेसले आयोजना गरेको कार्यक्रमलाई सम्बोधन गर्दै कोइरालाले यस्तो बताएका हुन ।

माहामन्त्री कोइरालाले संसद विघटन गर्ने सरकारको निर्णय असंवैधानिक भएको भन्दै यो निर्णयले नेपालमा राजनितिक अस्थिरता समेत निम्त्याउन सक्ने चिन्ता प्रकट गरे ।संसद विघटन राष्ट्रको हितमा नभएको बताउदै कोइरालाले सबैतिर असफल भइसकेको सरकार र नेकपा अब राजनितिक रुपमा पनि असफल भइसकेको दाबी गरे ।कोइरालाले कम्युनिष्टहरुका कारण देश सदीयौ देखी राजनितिक अस्थिरताको शिकार भएको र राजनितिक अस्थिरताका कारण देशको बिकाश पछी परेको दाबी गर ।

ओलि सरकारले चुनाब गराउन सक्नेमा आशङ्का ब्यक्त गर्दै महामन्त्री कोइरालाले चुनाब भएमा नेपाली कांग्रेस चुनाबबाट नभाग्ने स्पस्ट पारे ।

महामन्त्री कोइरालाले बिपी कोइरालाको मेलमिलापको निती मुलुकका लागी अझै पनि सान्दर्भिक भएको धारणा राखे ।सबैको सम्मान र सबैको अस्तित्व स्विकार गर्ने संस्कारसगै राष्ट्रीय मेलमिलापले मात्रै देशमा राजनितिक स्थिरता र सम्बृद्दी आउने कोइरालाको भनाइ थियो ।

कार्यक्रममा कांग्रेस केन्द्रिय सदस्य डा. मिनेन्द्र रिजाल,दिपक गिरि,गुरुराज घिमिरे,कांग्रेस नेताहरु दिप कुमार उपाध्याय ,अत्तर कमाल्,अभिषेक प्रताप शाह लगायतले आ-आफ्नो धाराणा राखेका थिए ।कार्यक्रम कांग्रेस कपिलबस्तुका सभापती सुरेन्द्र राज आचार्यको सभापतित्वमा भएको थियो ।

नेपाली कांग्रेसले पार्टीका संस्थापक विश्वेश्वरप्रसाद कोइराला (बिपी) लगायतका नेता लामो निर्वासन अन्त्य गरी स्वदेश फर्कनुभएको दिन पुस १६ गतेलाई हरेक वर्ष ‘राष्ट्रिय एकता तथा मेलमिलाप दिवस’का रूपमा मनाउँदै आएको छ ।कांग्रेसले आज देशैभरी बिभिन्न कार्यक्रमहरु गरी मेलमिलाप दिवस मनाएको छ ।

यो पनि पढ्नुहोस्
काठमाडौं । सभामुख अग्नि सापकोटाले अहिलेकै अवस्थामा संसद विघटन हुन नसक्ने भन्दै संविधानको रक्षाका लागि आफूले खेल्नुपर्ने भूमिकाबारे सबै पक्षसँग परामर्श लिइरहेको बताएका छन् ।

नेकपा (प्रचण्ड–माधव समूह) को अनेमसंघ, नेपाली कांग्रेस सम्बद्ध नेपाल महिला संघ, जनता समाजवादी सम्बद्ध समाजवादी महिला संघ र विवेकशिल साझा पार्टी सम्बद्ध विवेकशील साझा महिलाको संयुक्त ज्ञापनपत्र बुझ्दै सभामुख सापकोटाले सो धारणा राखेका हुन् ।

अहिलेकै परिस्थितिमा प्रधानमन्त्रीलाई संसद विघटन गर्ने अधिकार संविधानले नदिएको पनि उनले बताए ।

‘हाम्रो संविधानले यही परिस्थितिमा प्रधानमन्त्रीलाई प्रतिनिधिसभा विघटन गर्ने अधिकार दिएको छैन । मैले आफ्नो धारणा पहिले नै सार्वजनिक गरिसकेको छु र म अदालतमा पनि त्यहीअनुसारको प्रतिउत्तर दिँदै छु,’ सभामुख सापकोटाले भने ।

संविधानको रक्षा तथा देश र जनताको अधिकतम हितमा सधैं समर्पित हुने पनि उनले बताए । सापकोटाले भने, ‘अहिले सभामुखको जिम्मेवारीको हिसाबले मेरो भूमिका के हुन्छ, संविधानको रक्षाका लागि, समग्र परिस्थितिमा मैले कसरी भूमिका खेल्न सक्छु, जनताको अधिकतम हितका लागि के भूमिका खेल्नुपर्छ भनेर मैले राष्ट्रका सम्बद्ध पक्षसँग वृहत, व्यापक परामर्श राय सल्लाह सुझाव लिइरहेको छु ।’