९ वर्षकी अमेरिकी बालक रायन काजी सन् २०२० मा युट्युवबाट सर्वाधिक कमाउने व्यक्ति बनेक छन् ।
द गार्जियनका अनुसार टेक्सस निवासी यी बालकले यसवर्ष मात्र २९.५ मिलियन डलर ९झन्डै साढे तीन अर्ब रुपैयाँ० कमाए ।
गुगलको भिडियो साझेदारी साइट युट्युवमा उनले खेलौना र भिडियो गेमको समीक्षा गर्ने गरेका छन् ।
भिडियो उत्पादनमा उनलाई अभिभावकले पनि साथ दिने गरेका छन् । युट्युवमा उनको च्यानलको नाम रायन्स वर्ल्ड राखिएको छ ।
ब्रान्डेड खेलौना, लुगा र पाइजामा विक्री समेत जोड्दा उनको कमाइ झन्डै २०० मिलियन डलर पुग्ने अनुमान छ । निकोलडोन नामक एक सिरिजको लागि उनले लाखौंको सम्झौता समेत गरेका छन् ।
उनको भिडियोका दर्शकलाई अधिकांश बालबालिकाले रुचाउने गरेका छन् । सन् २०१५ देखि युट्युवमा भिडियो पोस्ट गर्न थालेका
रायनले आफ्नी आमासँग अरु साथीको युट्युव भएको तर, आफूसँग नभएको भन्दै काम थालेका थिए । उनका अभिभावकले नाम थर गन बदलेर काजी राखिदिएका थिए ।
अहिले यही नामबाट उनले नौवटा युट्युव च्यानल चलाउने गरेका छन् । उनको च्यानललाई ४१.७ मिलियनले पछ्याएका छन् भने १२.२ बिलियन हेरेका छन् ।
उनको सबैभन्दा बढी पटक हेरिएको भिडियो चाहिँ अण्डाको सरप्राइजवाला खेलौना प्रतिस्पर्धा थियो ।
यसलाई मात्र २ बिलियनले हेरेका थिए । अहिलेसम्मकै सर्वाधिक हेरिएको ६० भिडियोभित्र यो समावेश हुन्छ ।
प्रतिक्रिया
सम्बन्धित खवर
