वामीटक्सार, श्रावण १२ । लियाे क्लब अफ गुल्मी सालिमेद्वारा मुसिकोट नगरपालिकाकाे स्मार्ट पार्क तथा झेदिको पहिरो प्रभावित क्षेत्रमा विभिन्न प्रजातिका करिब ७५ वटा बिरुवा रोप्ने कार्य आज सम्पन्न गरेको छ ।
लायन्स डिस्ट्रीक ३२५ ‘पि’ का डिस्ट्रीक चिफ लायन विष्णु कुवर, वामी प्रहरी चौकिका बरिस्ठ स.इ. लक्ष्मण विश्वकर्मा, क्लब अध्यक्ष प्रतिमा बस्नेत, क्लब उपाध्यक्ष सुशान्त बज्राचार्य, सचीव, कोषाध्यक्ष, क्लब पदाधिकारी तथा सदस्यहरुको सहभागितामा कार्यक्रम सम्पन्न भएको थियो ।
गुल्मी जिल्लाकै एक मात्र लियो क्लबको रुपमा स्थापित क्लबले सुरुवात देखि नै लायन्स अन्तर्राष्ट्रियले निर्दिष्ट गरेका सामाजिक सेवाका कार्यहरूद्वारा समाजमा अलग्गै छाप छोड्न सफल भएकोमा एउटा लायन नेताको रुपमा आफुलाइ अत्यन्त खुसी लागेको लायन बिष्णु कुवरले बताउनु भयो ।
लायन्स अन्तर्राष्ट्रियले जुलाइ महिनालाइ वातावरणसङ्ग संबंधित महिनाको रुपमा लिएको र सोही अन्तर्गत आज वृक्षारोपण कार्यक्रम सम्पन्न गरिएको क्लब अध्यक्ष प्रतिमा बस्नेतले बताउनु भयो ।
