काठमाडौँ । संसद् विघटन विरुद्ध दर्ता भएका १२ रिटहरुको संवैधानिक इजलासमा फैसला सकिएको छ ।
उसले संसद विघटनको निर्णयबिरुद्ध प्रधानमन्त्री, राष्ट्रपतिलगायत विपक्षीहरुसँग कारण देखाऊ आदेश जारी गरेको छ। सर्वोच्चले संसद विघटनको निर्णयबिरुद्ध अन्तरिम आदेश दिन भने अस्वीकार गरेको छ।
प्रधानन्यायाधीश चोलेन्द्रशमशेर जबरासहित पाँच जना न्यायाधीशरुको संवैधानिक इजलासले उक्त आदेश जारी गरेको हो।
रिटहरुको सुनुवाइका लागि संवैधानिक इजलाशमा प्रधानन्यायाधीश जबरासँगै न्यायाधीशरु हरिकृष्ण कार्की, विश्वम्भरप्रसाद श्रेष्ठ, अनिल कुमार सिन्हा र तेजबहादुर केसी तोकिएका थिए।
यस्तै आजको फैसलाले संसद विघटनको आदेशबिरुद्ध नेपाल बार र सर्वोच्च बारबाट ‘एमिकस क्युरी’ झिकाउने निर्णय गरेको छ।
(ज्योति न्यूजबाट)
प्रतिक्रिया
सम्बन्धित खवर
