काठमाडौं । जनता समाजवादी पार्टी (जसपा)ले उपराष्ट्रपति र उपप्रधानमन्त्री पदका लागि दाबी गर्नेभएको छ ।माओवादी केन्द्र अध्यक्ष पुष्पकम दाहाल प्रचण्ड नेतृत्वको सरकारलाई समर्थन गरेको जसपाले सरकारमा सहभागिताको विषयमा औपचारीक निर्णय भने सार्वजनिक गरेको छैन ।
तर, जसपाका अध्यक्ष उपेन्द्र यादवले गठबन्धन आवद्ध दलका शीर्ष नेतासँग उपराष्ट्रपति र उपप्रधानसहित तीनवटा मन्त्रालय आफूले पाउनुपर्ने दबाब दिनुभएको छ । प्रतिनिधीसभामा १२ सिट रहेको जसपाले हिजो मात्रै नेता रामसहाय यादवलाई संसदीय दलको नेता चुनेको छ।
अध्यक्ष यादवले सरकारमा सहभागी हुन आफ्नो पार्टीको मागबारे नेकपा एमाले अध्यक्ष केपी शर्मा ओली र नेकपा माओवादी केन्द्रका अध्यक्ष एवं प्रधानमन्त्री पुष्पकमल दाहाल‘प्रचण्ड’सँग औपचारिकरुपमै प्रस्ताव राखिसक्नुभएको छ ।
यस्तै मधेस प्रदेशमा १६ सिट रहेको जसपाले मुख्यमन्त्री पाउनुपर्ने अडान पनि कायमै राखेको छ।
प्रतिक्रिया
सम्बन्धित खवर
