गुल्मी मुसिकोट नगरपालिका वडा न ७ काफल्टोला निबासी एक काफ्ले दम्पतीले आफ्नो छोराको जन्मदिनको अबसरमा महिला जागरण आमा समुहलाई साउन्ड बक्स सौजन्य गर्नुभएको छ ।

स्व-तोयनारायण काफ्ले र भिमकला काफ्लेका छोरा बुहारी प्रेम/ जुना कफ्लेले आफ्नो छोरा सागर काफ्लेको आज बुधबारका दिन परेको शुभ जन्मदिनको अबसरमा महिला जागरण आमा समुहलाइ नगद रु १२५०० बराबरको साउन्ड बक्स सौजन्य गर्नुभएको समुहकी अध्यक्ष बालकुमारी काफ्लेले जानकारी दिनुभयो ।

आज भोलि नेपाली समाजमा अनाबस्यक खर्च गरी जन्मदिन मनाउने चलन भित्रिएको छ तर अनाबस्यक खर्च गर्नुको सट्टा हरपल खटिएर सामाजिक कार्यमा लागी परेको आमा समुहलाई सहयोग गर्नुभएकोमा समुहले काफ्ले दम्पती र जन्मदिन परेका सागर काफ्लेको उत्तर-उत्तर प्रगतिको कामना सङ्गै समुहको तर्फबाट शुभकामना ब्यक्त गर्दै  काफ्ले दम्पतीलाई धन्यबाद समेत ब्यक्त गरेको समुहकी अध्यक्ष काफ्लेले जानकारी दिनुभयो ।

काफ्ले दम्पती र उहँको परिवारबाट यो भन्दा पहिला पनि आमा समुहलाई सहयोग गर्नुभएको बताइएको छ ।