काठमाडौं । प्रदेशसभाको १६५ सिटमा दाबी गरेको नेपाली कांग्रेससँग अरु दलहरुले आधार मागेका छन् ।
सत्ता गठबन्धनको कार्यदलको सोमबार बसेको बैठकमा कांग्रेस नेताहरुले प्रदेशसभाको ३३० मध्ये १६५ मा दाबी गरेका हुन् । जवाफमा गठबन्धनका अरु दलका नेताहरुले भने १६५ दाबी गर्नुको आधार मागेका थिए । ‘गत निर्वाचन, २०७४ को निर्वाचन, गठबन्धनको आवश्यकता, नेताहरुको व्यवस्था आधार हुनसक्छन्’, कार्यदलका एक सदस्य भन्छन्, ‘भोलि विहान ८ बजेको बैठकमा उहाँहरुले पेश गर्नुहोला ।’
त्यसपछि थप छलफल गरेर भोलि ११ बजे बस्ने शीर्ष नेताहरुको बैठकमा रिपोर्टिङ गर्ने सहमति भएको छ । कार्यदलका सदस्यका अनुसार प्रतिनिधिसभाको १६५ सिटमध्ये करिव ८० प्रतिशतमा सहमति जुटेको छ ।
प्रदेशसभाका सिट पनि भागवण्डा गरेर प्याकेजमा सहमति गर्ने प्रयास भइरहेको जनता समाजवादी पार्टी (जसपा)का प्रवक्ता मनिष सुमनले जानकारी दिए । – अनलाईखबरबाट
प्रतिक्रिया
सम्बन्धित खवर
