गुल्मी, १३ बैशाख, रेसुङ्गा नगरपालिका प्रमुखका उमेदवार नेपाली काँग्रेस गुल्मीमा सभापति खिलध्वज पन्थीले शताब्दी पुरुषसँग आशिर्वाद लिएर घरदैलो अभियान सुरु गरेका छन् । सोमबार रेसुङ्गा नगरपालिकाको प्रमुखमा मनोनयन दर्ता गरेपछि काँग्रेस गुल्मीमा सभापति पन्थीले मंगलबारदेखि शताब्दी पुरुषको आशिर्वाद लिएर घरदैलो अभियान सुरु गरेका हुन् ।


रेसुङ्गा नगरपालिका वडा नम्बर ९ निवासी १ सय २ वर्षीय पर्शुराम पन्थी उपाध्यायसँग आशिर्वाद लिएर घरदैलो अभियान सुरु भएको नेपाली काँग्रेस रेसुङ्गा नगरकार्यसमितिले जनाएको छ । शताब्दी पुरुषको आशिर्वाद लिएर आफु घरदैलो अभियानमा लागेकोले नगरपालिकाको प्रमुखमा अत्याधिक मतले बिजयी हुने उमेदवार नेपाली काँग्रेस गुल्मीका सभापति खिलध्वज पन्थीले दाबी गरे ।

वि.सं. २०१६ मा वीपी कोइराला गुल्मी आउँदा पर्शुराम पन्थी उपाध्यायको घरमा बसेको, उपाध्याय अहिले १ सय २ वर्ष पुगेको र नगरपालिकामा सबैभन्दा ज्येष्ठ नागरिक उपाध्याय भएकोले आफुले घरदैलो अभियान सुरु गर्दा शताब्दी पु्रुष उपाध्यायसँग आशिर्वाद लिएको नगरपालिका प्रमुखका उमेदवार पन्थीले बताए । उनी अब नगरपालिकाका सबै वडा र टोलटोलमा घरदैलो कार्यक्रमका लागि पुग्ने छन् ।

आशिर्वाद लिन नेपाली काँग्रेसको तर्फबाट नगरपालिका प्रमुखका उमेदवार खिलध्वज पन्थी, उपप्रमुखका उमेदवार अमृतादेवी कुँवर, वडा नम्बर ९ बाट वडाध्यक्षका उमेदवार कृष्णप्रसाद पाण्डे, सदस्यहरु चेतनारायण पन्थी, सिर्जना बराल, गङ्गादेवी पाण्डे र माया सुनार पुगेका थिए ।

सेयर गर्नुहोस
  •  
  •  
  •  
  •  
  •  
  •  
  •  

LEAVE A REPLY

Please enter your comment!
Please enter your name here