काठमाडौं । सत्तारुढ दल नेपाली कांग्रेसले आसन्न स्थानीय तहको निर्वाचनमा आवश्यकताअनुसार गठबन्धन गर्ने निर्णय गरेसँगै आज सत्ता गठबन्धनको बैठक बस्दैछ ।

बैठक प्रधानमन्त्री निवास बालुवाटारमा बिहान साढे १० बजे बस्न लागेको प्रधानमन्त्री कार्यालयले जनाएको छ । गठबन्धनका दल नेकपा (माओवादी केन्द्र), एकीकृत समाजवादी र जनता समाजवादी यसअघि नै स्थानीय तहको चुनावमा पनि गठबन्धन गर्नुपर्ने पक्षमा रहेका बेला कांग्रेसले पनि सोही अनुरुपको निर्णय गरेपछि अब तालमेलको मोडालिटी लगाउन लागिएको हो ।

यो पनि पढ्नुहोस् – कैलाली । स्थानीय तह निर्वाचन नजिकसंगै दल अदल बदल गर्ने हरुको संख्या बढी रहेको छ ।कैलाली गोदावरी नगरपालिका -१ का एमाले नेता भिम बिक एकै दिन एमालेबाट माओवादी र माओवादीबाट एमाले प्रवेश गरेका हुन् ।

एमाले वडा नम्बर १ वडा कमिटीका पूर्व अध्यक्ष बिक बुधबार माओबादीमा प्रवेश गरेका थिए । अत्तरियामा गोदावरी नगर कमिटीको आयोजनामा भईरहेको प्रशिक्षण कार्यक्रममा उनी माओबादीमा प्रबेश गरेका थिए । त्यसको केही घण्टामै उनी पुन एमाले मै फर्किएका छन् ।

गोदावरी नगरकमिटीका अध्यक्ष गोकर्ण भट्ट संग सम्बाद गरेपछि उनी एमाले मै बस्न सहमत भएका हुन् । उनले आफू माओवादीमा नगएको जहाँ थिए त्यहीँ रहेको बताए ।

“साथीहरू ले कार्यक्रम छ भनेर बोलाए , म कार्यक्रममा गएको हुँ,” उनले भने ,”म जहाँ थिए त्यहीँ छु । नेकपा एमाले मै छु ।”