अनिश पाठक, बाग्लुंग
बडिगाड गाउँपालिकाको आर्थिक सहयोग तथा बडिगाड महिला तथा बालबालिका शसक्तिकरण केन्द्रको आयोजनामा किशोरी हिंशा न्युनिकरणको लागि आत्मरक्षा तथा प्रतिकार तालिम आज जलजलामा सम्पन्न भएको छ ।
आज पालिकाको वडा नंं ४ जलजलाका १ सय ५१ जना किशोरी उक्त तालिममा सशभागि भएको केन्द्रकि अध्यक्ष बिना थापाले बताईन् ।
सो अबसरमा बनस्पति माविका १ सय ८ र लौगाँ माविका ४३ जना किशोरी सहभागि भएका हुन ।
तालिमको अबसरमा बडिगाड ४ जलजलाका वडा अध्यक्ष प्रेम गलामीले पछिल्लो समय बलत्कारका घटना बढ्दै जान थालेकोले त्यस्ता घटना न्युनिकरण गर्न र सम्भावित घटनाबाट बच्न समेत तालिमबाट सिकेका ज्ञानले सहयोग पुग्ने बताए ।
कार्यकापालिका सदस्य केशमाया छन्त्यालले किशोरी समस्यामा परेको बेला पनि सिकेका उपायबाट किशोरी जोगिन सफल हुनेमा आफु विस्वस्त रहेको बताईन ।
१० दिन सम्म बडिगाड गाउँपालिका भित्रका सबै वडाका माध्यमिक बिद्यालयका किशोरीहरुलाई दिईने उक्त तालिमको सहजिकरण भने बडिगाडकै करातेका राष्ट्रिय खेलाडि राजन कुमार पाईजा र कपिल रोका मगरले गरिरहुन भएको छ ।