सुनिल न्यौपाने गुल्मी-स्थानीय तहको निर्वाचन २०७९ बैशाख ३० गते सरकारले घोषण गरिसकेको छ। विभिन्न स्थानीय तहमा नेपाली काङ्ग्रेस र नेकपा (माओवादी केन्द्र) बीच चुनावी गठबन्धन हुने पक्कापक्की नै रहेको छ। गुल्मीको मुसिकोट नगरपालिकामा पनि सम्भवत नेपाली काङ्ग्रेस र नेकपा (माओवादी केन्द्र) बीच चुनावी गठबन्धन हुने निश्चित भएको छ।अनेरास्ववियू (क्रान्तिकारी) मुसिकोट नगर कमिटीले मिल्लेर जादा जनताको मतको कदर नगर्नेहरुलाइ कुर्सीबाट सडकमा पुर्याउन सहज हुने बताएको छ।

नेपाली काङ्ग्रेस मुसिकोट नगर समिती सभापति मोहन घिमिरे पनि यस बिषयमा मिलेर जाने कुरामा सकारात्मक भएको पाइएको छ। त्यस्तै नेकपा (माओवादी केन्द्र) मुसिकोट नगर कमिटी अध्यक्ष दुर्गा बि.क पनि यस बिषयमा सकारात्मक हुन सक्ने अनुमान गरिएको छ।

यता नेकपा एमाले मुसिकोट नगर कमिटी अध्यक्ष प्रकाश काफ्लेले संचारकर्मी सुनिल न्यौपाने सङ्ग कार्यक्रम स्काई बहसमा चुनावी गठबन्धन गर्नु राजनीतिक स्वतन्त्रता भए पनि मुसिकोटमा जो जहाँ मिले पनि सम्पुर्ण वडामा आफुहरु विजय हुने दाबी गरेका छन। स्रोतका अनुसार स्थानीय निर्वाचनमा मुसिकोटमा नेपाली काङ्ग्रेस र नेकपा (माओवादी केन्द्र) बीचमा चुनावी गठबन्धन गराउन अनेरास्ववियू (क्रान्तिकारी) मुसिकोट नगर कमिटी जोडबलका साथ लागेको देखिन्छ।

स्थानीय निर्वाचन नजिक आउदै गर्दा मुसिकोटमा नेपाली काङ्ग्रेस र नेकपा (माओवादी केन्द्र) बीच कसरी सहकार्य हुन्छ त्यो भने हेर्न बाकी छ।