काठमाडौं – ग्लोबल आइएमई बैंक लिमिटेडले आफ्नो १५औँ वार्षिकोत्सवको उपलक्ष्यमा ग्राहकहरुको सुविधालाई ध्यानमा राखी कार्ड तथा डिजिटल बैंकिङ्गमार्फत गरिने कारोबारहरुमा छुट तथा क्यासब्याक प्रदान गर्ने योजनाहरु सार्वजनिक गरेको छ ।
बैंकले वार्षिकोत्सवको मौका पारेर आफ्ना आदरणीय ग्राहकहरुलाई पौष १५ गतेबाट माघ १५ सम्म (१ महिना)का लागि मोबाइल बैंकिङ्ग, डेबिट तथा क्रेडिट कार्ड निशुल्क उपलब्ध गराउने छ ।यसका साथै, वार्षिकोत्सवकै अवसर ग्राहकहरुलाई थप छुट प्रदान गर्ने उद्देश्यका साथ पहिलो पटकको क्यूआर कारोबार, पस मेसिनमार्फत गरिने कारोबार तथा इकम कारोबारमा १५ प्रतिशत अथवा रु. ३०० सम्म क्यासब्याक प्रदान गर्ने बैंकले जनाएको छ ।
पौष १७ गते देखि लागु हुने क्यासब्याक योजना सिमित अवधिका लागि रहनेछ ।ग्लोबल आइएमई बैंकले सबै क्षेत्र र वर्गसम्म बैंकिङ्ग सेवाको पहुँच पुर्याउने उद्देश्यले ७६ जिल्लामा बैंकको २८७ शाखा, २५२ एटीएम, २६३ शाखा रहित बैंकिङ्ग सेवा, ४८ एक्सटेन्सन तथा राजश्व संकलन काउन्टर तथा ३ वटा वैदेशिक प्रतिनिधि कार्यालयसमेत गरी करिब ८५० सेवा केन्द्रबाट २७ लाख भन्दा बढि ग्राहकलाई सेवा प्रदान गरिरहेको छ ।
त्यसैगरी बैंकले संयुक्त राज्य अमेरिका, संयुक्त अधिराज्य, क्यानडा, अष्ट्रेलिया, मलेसिया, दक्षिण कोरिया, जापान, साउदी अरेबिया, कतार, युएई, बहराइन, कुवेत, भारत, जोर्डन, हङकङ लगायतका मुलुकबाट रेमिट्यान्स भित्र्याउँदै देशको अर्थ व्यवस्थामा महत्वपूर्ण योगदान पुर्याउँदै आइरहेको छ ।
यो पनि पढ्नुहोस् – काठमाडौं–सरकारले समयमा नै धितोपत्र बोर्डमा अध्यक्ष नियुक्त नगर्दा अहिले २८ वटा कम्पनीको साधारण सेयर (आइपीओ) पाइपलाइनमा रहेको छ ।
बोर्ड नेतृत्व बिहीन भएको ४ महिना भन्दा बढी भइसकेको छ । यति लामो समसयम्म पनि सरकारले अध्यक्ष नियुक्त गर्न सकेको छैन । बोर्डको अध्यक्ष भिष्मराज ढुंगाना सर्वोत्तम सिमेन्ट प्रकरणमा मुछिएपछि सरकारले उनलाई बर्खास्त गरिसकेको छ ।अहिले बोर्ड कायम मुकायमको भरमा चलि रहेको छ ।
जसले गर्दा पाइपलाइनमा रहेका कम्पनीले सार्वजनिक निष्काशन गर्न सकेका छैनन् ।बोर्डका अनुसार अहिले करिब १ दर्जन कम्पनी आइपीओ निष्काशन गर्ने अन्तिम तयारीमा रहेका छन् ।त्यसको लागि बोर्डले आवश्यक काम सकिसकेको छ । ती कम्पनीहरुसँग आवश्यक कागजात लिएर आइपीओ निष्काशनको लागि अन्तिम तयारीमा रहेको बोर्डका एक अधिकारीले बताए ।
उनका अुनसार अध्यक्ष नभएका कारण सार्वजनिक निष्काशन गर्न सकेको छैन । योग्य कम्पनीहरुलाई बोर्डले सञ्चालक समितिमा लगेर निर्णय गर्ने भनिएपनि त्यसो हुन सकेको छैन । बोर्ड पनि अहिले नै निर्णय गर्नु भन्दा सरकारले अध्यक्ष नियुक्त गरेपछि नै निष्काशनको लागि अनुमित दिने तयारीमा रहेको छ ।
यता सरकार भने बोर्डका अध्यक्ष नियुक्त गर्नु भन्दा पनि आर्थिक लेनदेनको हिसाब मिलानमा नै व्यस्त बनेको छ । अहिले बोर्डमा अध्यक्ष र नेप्सेमा सिइओ खाली रहेको छ । यी दुवै निकाय अहिले कायम मुकायममा चलेका छन् । बोर्डमा नियुक्त हुनेले ४ वर्षको कार्यकालमा करिब २ वर्ष मात्रै काम गर्न पाउने छ ।
बोर्डमा अध्यक्ष बन्नको लागि १२ जना र नेप्सेमा सिइओ बन्नको लागि ११ जनाले आवेदन दिइसकेका छन् । धितोपत्र बोर्ड र नेप्से सत्ता साझेदार दल काँग्रेस र माओवादीको भागमा परेको छ । बोर्ड काँग्रेसले लिने भनेपनि माओवादीले अड्डी कसेको छ । अहिले यी दुवै निकाय दलको भागमा भन्दा पनि पैसामा भर पर्ने देखिएको छ ।
सरकारले वित्तीय प्रलोभनमा परेर नियामक निकायमा प्रमुख नियुक्त नगर्दा सार्वजनिक निष्काशन रोकिएको हो । अहिले २८ वटा कम्पनीको ७ अर्ब ३९ करोड ६६ लाख ४ सय रुपैयाँको ६ करोड ७२ लाख ४६ हजार ४ कित्ता सेयर पाइपलाइनमा रहेको छ ।२८ वटा कम्पनी मध्ये १८ वटा हाइड्रोपावर, ६ माइक्रोफाइनान्स दुईवटा बीमा कम्पनी र दुईवटा अन्य कम्पनी रहेका छन् । बोर्डको पाइपलाइनमा रहेका कम्पनीमा सयपत्री हाइड्रोपावर, मोलुङ हाइड्रोपावर, रिलायबल लाइफ इन्स्योरेन्स, थ्री स्टार हाइड्रोपावर, राप्ती हाइड्रो एन्ड जनरल कन्स्ट्रक्सन, सिवाईसी नेपाल लघुवित्त वित्तीय संस्था,
आदर्श लघुवित्त वित्तीय संस्था, स्वेतगंगा हाइड्रोपावर एण्ड कन्स्ट्रक्सन, मन्दाकिनी हाइड्रोपावर, सिक्लेस हाइड्रोपावर, सुपरमाई हाइड्रोपावर, साञ्जेन जलविद्युत कम्पनी र इस्टर्न हाइड्रोपावर कम्पनीको आइपीओ पाइपलाइनमा रहेको छ । यी कम्पनीको अध्ययन भइरहेको बोर्डले जानकारी गराएको छ ।
बोर्डको पाइपलाइनमा लामो समयदेखी डिस मेडिया नेटवर्कको आइपीओ पनि पाइपलाइनमा रहेको छ । यस्तै आइएमई लाइफ इन्स्योरेन्स, उपकार लघुवित्त वित्तीय संस्था र रिभर फल्स पावर कम्पनीको आवेदन पाइपलाइनमा रहेको छ । यी कम्पनीको फाइनल अध्ययन गरेर थप कागजात माग गरिएको छ ।
यस्तै विन्धावासिनी हाइड्रोपावर डेभलपमेन्ट, हिमालयन हाइड्रोपावर कम्पनी, बलेफी हाइड्रोपावर, ग्रिन भेन्चरर्स, नेस्डो समृद्ध लघुवित्त वित्तीय संस्था, दोर्दी खोला जलविद्युत् कम्पनी, अप्पर सोलु हाइड्रोइलेक्ट्रिक कम्पनी, अप्पर हेवाखोला हाईड्रोपावर, जाल्पा सामुदायिक लघुवित्त वित्तीय संस्था, राष्ट्र उत्थान लघुवित्त वित्तीय संस्था र इमर्जिङ नेपाल कम्पनीको आइपीओ पाइपलाइनमा रहेका छन् ।
यी ११ कम्पनीमध्ये अधिकांश कम्पनी सार्वजनिक निष्काशनको लागि अन्तिम चरणमा रहेका छन् । ११ मध्ये अधिकाशं कम्पनीले बोर्डले भनेको आवश्यक प्रकृया पुरा गरिसकेका छन् ।
बोर्डले अनुमित दिएपछि आइपीओ निष्काशन गर्ने तयारीमा रहेका छन् । यी कम्पनीले आइपीओ निष्काशन गर्नको लागि बोर्डले अध्यक्ष पाउनुपर्ने नै देखिएको छ । बोर्डमा अध्यक्ष आउनको लागि सरकारको अपेक्षा अनुसार करिब ८ करोड जसले दिनसक्छ त्यही आकाक्षी नै अध्यक्ष बन्ने देखिएको छ ।
सरकारको अपेक्षा कहिले कुन आकांक्षीले पुरा गर्न सक्छन् त्यो व्यक्तिले नै बोर्डमा करिब २ वर्ष नेतृत्व गर्ने देखिएको छ । क्लिकमाण्डु डटकमबाट
