पोखरा-पोखरा रेस्टुरेन्ट एन्ड बार एसोसियनस (रेबान)ले आयोजना गर्दै आइरहेको पोखरा सडक महोत्सवमा आउने अवलोकनकर्तालाई निशुल्क कोरोनाविरुद्धको खोप दिइने भएको छ ।

रेबान अध्यक्ष लक्ष्मण बरालले महोत्सव अवलोकन गर्न आउनेलाई जोन्सन एन्ड जोन्सन खोप लगाइने जानकारी दिए । ‘जिल्ला प्रशासन, महानगरसँगको समन्वयमा हामीले महोत्सवमा आउनेलाई निशुल्क खोप लगाउने व्यवस्था मिलाएका छौं,’ अध्यक्ष बरालले भने, ‘दिनमा ५ सय जनासम्मलाई खोप लगाउने योजना छ ।’

महोत्सवको २३ औं संस्करण बिहीबारदेखि पोखरा लेकसाइडमा सुरु हुँदैछ । ३ दिसनसम्म चल्ने उक्त महोत्सव बिहीबार दिउँसो १२ बजे उद्घाटन हुने आयोजकले जनाएको छ ।

अघिल्ल संस्करणमा ५ दिन मनाइने भएपनि गत वर्षदेखि कोरोना महामारीका कारण ३ दिनमा छोट्याइएको हो ।