बागलुङ
मध्यपहाडी लोकमार्गको बागलुङ खण्ड अन्तरगत काठेखोलाको खहरेमा जीप दुर्घटना हुँदा एक जनाको मृत्यु भएको छ । तीन जना घाईते भएका छन् ।
बिहुँबाट बागलुङ बजार आउँदै गरेको बा१८च ५६७७ नम्बरको रातो प्लेटको पिकअप जीप सडकबाट ३० मिटर तल खसेको हो । दुर्घटनामा बागलुङ नगरपालिका–७ का ४५ वर्षीय श्याम शर्माको घटनास्थलमै मृत्यु भएको जिल्ला प्रहरी कार्यालय बागलुङका सूचना अधिकारी इकवाल हवारीले जानकारी दिए ।
घाईहुनेहरुमा बागलुङ नगरपालिका–१ रामरेखाका ४० बर्षिय टक बहादुर बोहरा, ४४ बर्षिय दिनेश गिरी र २५ बर्षिय अजय शिवाकोटी रहेका छन् । उनीहरुको धौलागिरी अस्पताल बागलुङमा उपचार भैरहेको छ ।
दुर्घटनकाको कारण भने खुलेको छैन् । जीपका चालक फरार रहेको प्रहरीले जनाएको छ ।