भुवन काफ्ले गुल्मी । गुल्मीको मुसिकोट नगरपालिकामा कोभिड विरुद्धको भेरोसिल खोप अभियानको दोस्रो चरण मिति २०७८ कार्तिक ५ र ६ गते संचालन हुने भएको छ ।
कोभिड विरुद्धको भेरोसिल खोप अभियान अन्तरगत मिति २०७८ आश्विन ७ र ८ गते पहिलो मात्रा खोप लगाएका १८ बर्ष उमेर पुरा भएका + 2 र क्याम्पसका बिद्यार्थीहरु तथा ५० बर्ष भन्दा माथिका सबैको दोस्रो चरणको खोप कार्तिक ५ र ६ गते पहिलो मात्रा लगाएकै खोप केन्द्रमा संचालन हुने भएको छ ।
१८ बर्ष उमेर पुरा भएका + 2 र क्याम्पसका बिद्यार्थीहरु तथा ५० बर्ष भन्दा माथिका तर मिति २०७८ आश्विन ७ र ८ गते खोप लगाउन छुटेकाहरुले पहिलो मात्रा खोप लगाउन सक्ने भएकाले आफ्नो नजिकको खोप केन्द्रमा गइ खोप लगाउन संपुर्ण मुसिकोटबासीलाई मुसिकोट नगरपालिका स्वास्थ्य शाखाले अनुरोध गरेको छ ।
खोप लगाउन आउदा अघिल्लो पटक खोप लगाउदा खोप केन्द्रबाट प्राप्त भएको खोप कार्ड अनिबार्य ल्याउनु पर्ने छ भने पहिलो चरणमा खोप छुटेकाहरुको हकमा भने आफ्नो उमेर खुल्ने परिचय पत्र अनिबार्य ल्याउनु पर्ने छ ।
