काठमाडौं – साढे दुई महिना बितिसक्दा पनि मन्त्रिपरिषद्लाई पूर्णता दिन नसकेकोमा प्रधानमन्त्री शेरबहादुर देउवा निकै आलोचित बनेका छन् । गठबन्धन दलका कारण मन्त्रिपरिषद्ले पूर्णता पाउन नसकिरहेको कांग्रेस नेताहरूको भनाइ छ ।
तर गठबन्धनमा आबछ जसपा अध्यक्ष उपेन्द्र यादव भने विभिन्न आरोप लगाउँदै सरकारमा सामेल नहुने धम्की दिइरहेका छन् ।त्यसैकारण शुक्रबार बालुवाटारमा बसेको गठबन्धनको बैठकमा उनी उपस्थित भएनन् । जसपाले चार मन्त्री र एक राज्यमन्त्री पाउने सहमति भइसकेको छ । तर, जसपामा मन्त्रीका आकांक्षी सबै देखिएका छन् ।
त्यसैले मन्त्री हुन नपाउनेले आफ्नो साथ छाडेर अर्को गुट बनाउने भयले पनि उपेन्द्र सरकारमा जान डराइरहेका छन् तर बाहिर भने प्रधानमन्त्री शेरबहादुर देउवाले राम्रा मन्त्रालय आफूले राखेको भन्दै प्रचार गरिएको छ । जबकि कांग्रेसले अहिले गृह, कानुन र परराष्ट्र मन्त्रालय लिएको छ ।
विकासे मन्त्रालय सबै बाँकी छन् तर पनि उपेन्द्र किन गठबन्धनबाट बाहिरिन खोजिरहेका छन् भन्ने चासो सर्वत्र उत्पन्न भएको छ ।
केही दिनयता उपेन्द्र यादव सार्वजनिक कार्यक्रममा देखिनसमेत छाडेका छन् ।
जसपाका अर्का अध्यक्ष डा.बाबुराम भट्टराई पक्षसँग यादवको शीतयुद्ध चलेको छ । त्यही कारण बाबुराम पनि पहिले जस्तो बाहिर देखिन र बोल्न छाडेका छन् । उपेन्द्र र बाबुरामबीचको शक्ति संघर्षकै कारण मन्त्रिपरिषद्ले पूर्णता पाउन नसकेको अनुमान गरिएको छ ।
बाबुराम पक्ष उपेन्द्रलाई सरकारमा जानबाट रोक्न खोजिरहेको छ । तर, उपेन्द्र सरकारमा आफैंले नेतृत्व गर्ने सोचमा छन् । यसकारण पनि जसपामा द्वन्द्व देखिएको र त्यसको असर गठबन्धन सरकारमा परेको छ । त्यसैले उपेन्द्रले बाबुरामको रिस देउवामाथि पोखेको नेताहरूले बताउन थालेका छन् ।- मिडिया डबली
प्रतिक्रिया
सम्बन्धित खवर
