तिलक मगर– बडिगाड गाँउपालिकामा जारी बृहत जनस्वास्थ्य अभियान अन्तरगतको आज अन्तिम दिन २७० जना नागरीकले सेवा लिएका छन ।

बडिगाड गाउँपालिका ८ पुरानोेगाउँमा सम्पन्न उक्त शिविरमा बडिगाड आधारभुत अस्पतालका प्रमुख बिमल घिमिरेको नेतृव्वको चिकित्सकहरुको सहभागितामा उक्त संख्यामा विरामीले सेवा लिएका हुन । शिविरमै आज ८७ जना ६० वर्ष माथिका जेष्ठ नागरिकहरुलाई र ३५ जना सुनौला हजार दिन भित्रका आमाह?लाई पनि अभिमुखिकरण तालिम सञ्चालन गरिएको थियो भने शिविरमा २७० जनाको आखाँको उपचार तथा ७३ जनालाई चस्मा बिरण गरिएको थियो ।

सोहि अबसरमा सवै विरामीलाई निशुल्क रुपमा आवश्यक औषधि समेत वितरण गरिएको दगा तुम्डाडा स्वास्थ्य चोकीका हेल्थ असिस्टेन हेम पुनले जानकारी दिनुभएको छ । साथै शिविरमा १७ जनाको गर्भवती महिलाहरुको भिडियो एकसरे गरिएको थियो ।

आज पुरानोेगाउँमा आयोजित शिविर सँगै बडिगाड गाउँपालिकामा आयोजिक बृहत जन स्वास्थ्य अभियान पनि सम्पन्न भएको छ । बडिगाड गाउँपालिका वडा नं ८ पुरानोगाउँमा सम्पन्न कार्यक्रममा बडिगाड गाउँपालिकाका अध्यक्ष मेहरसिह पाईजाको अध्यक्षता तथा बडिगाड स्वास्थ्य शाखा प्रमुख चुडामणी कडेलको सञ्चानमा सम्पन्न भएको थियो । कार्यक्रममा पालिका प्रमुख पाईजाले बृहत जन स्वास्थ्य अभियानमा सहभागी सम्पुर्ण नागरीकहरुलाई धन्यवाद ब्यक्त गर्नुभएको थियो ।

बडिगाड गाउँपालिका वडा नं ७ टुनिबोटबाट सुरु गरिएको यो अभियानमा अहिले सम्म करिब ६ हजार भन्दा धेरै नागरीकहरुले सेवा लिएका छन ।